Home
દેશ-વિદેશ
Gandhi Jayanti 2023: મહાત્મા ગાંધીના જીવનમાં આ મહિલાઓની મુખ્ય ભૂમિકા, દરેક કદમ પર આપતી હતી સાથ..!

Gandhi Jayanti 2023: મહાત્મા ગાંધીના જીવનમાં આ મહિલાઓની મુખ્ય ભૂમિકા, દરેક કદમ પર આપતી હતી સાથ..!

10:26 AM October 01, 2023 admin

Mahatma Gandhi Birth Anniversary 2023 : દેશવાસીઓ રાષ્ટ્રપિતા મહાત્મા ગાંધીને તેમની જન્મજયંતિ(Gandhi Jayanti 2023) પર શ્રદ્ધાંજલિ આપી રહ્યા છે. ગાંધીજીએ દેશને આઝાદી અપાવવા માટે સ્વતંત્રતા સંગ્રામનું નેતૃત્વ કર્યું હતું. તેમણે અંગ્રેજોની ગુલામીની સાંકળો તોડવા માટે કોઈપણ પ્રકારની હિંસાનો આશરો લીધો ન હતો, પરંતુ સત્ય અને અહિંસાના માર્ગે ચાલીને વિજય હાંસલ કર્યો હતો. ભારત અને વિદેશમાં લોકો આજે પણ તેમના આ સિદ્ધાંતને અનુસરે છે.

અહિંસાની વાત આવે ત્યારે લોકો બાપુને યાદ કરે છે. મહાત્મા ગાંધી દરેક માટે પ્રેરણા છે. તેમનું સમગ્ર જીવન આદર્શ અને પ્રેરણાનું પ્રતીક હતું. જોકે, બાપુને મહાત્મા બનવામાં ઘણા લોકોએ સાથ આપ્યો હતો. જવાહરલાલ નેહરુથી લઈને સરદાર પટેલ, સુભાષચંદ્ર બોઝથી લઈને ભગતસિંહ સુધીના બધા જ તેમને માન આપતા હતા. તેમના પત્ની કસ્તુરબા ગાંધી હંમેશા તેમના પગલે ચાલ્યા. મોહનદાસ કરમચંદ ગાંધીના જીવનમાં આવી ઘણી મહિલાઓએ ભૂમિકા ભજવી હતી, જેમણે તેમને દરેક પગલે સાથ આપ્યો હતો. મહાત્મા ગાંધીના જીવનમાં એવી ઘણી મહિલાઓ હતી. જેમણે મહત્વની ભૂમિકાઓ ભજવી હતી અને સ્વતંત્રતા સંગ્રામમાં તેમની સાથે સાથી બની હતી. ગાંધીજીના જીવનમાં મહત્વની મહિલાઓ અંગે અહીં માહિતી આપવામાં છે.

1) કસ્તુરબા ગાંધી

કસ્તુરબા ગાંધી મહાત્મા ગાંધીના પત્ની હતા અને ગાંધીજીના સ્વાતંત્ર્ય સંગ્રામમાં પ્રેરણાના સ્ત્રોતોમાંના એક હતા. કસ્તુરબાજીને બા કહેતા. તેમણે સ્વાતંત્ર્ય સંગ્રામમાં ભાગ લીધો અને ગાંધીજી સાથે તેમના આશ્રમોનું સંચાલન કર્યું.

2) સરોજિની નાયડુ

સરોજિની નાયડુ ભારતીય સ્વતંત્રતા સંગ્રામના અગ્રણી મહિલા નેતા અને ગાંધીજીના સહયોગી હતા. વિભાજનના વિચારને લઈને તે ગાંધીજીની સલાહકાર પણ હતી. તેમજ સ્વતંત્ર રીતે સરોજિની નાયડુ મહિલાઓ માટે પ્રેરણાનો સ્ત્રોત હતા.

3) મીરા બેન

મીરા બેન એ વિદેશી મહિલા છે જે મહાત્મા ગાંધીથી ખૂબ જ પ્રેરિત થઈને પોતાનું ઘર છોડીને ભારત આવી હતી. તેમણે ખાદી સત્યાગ્રહ અને બારડોલી સત્યાગ્રહ જેવા સ્વાતંત્ર્ય સંગ્રામના ઘણા મહત્વના પાસાઓમાં ગાંધીજી સાથે કામ કર્યું હતું.

4) ડૉ.સુશીલા નય્યર

મહાત્મા ગાંધીના સચિવ પ્યારેલાલ પંજાબીના બહેન ડૉ.સુશીલા નય્યર ગાંધીજીથી પ્રભાવિત હતા. તબીબી અભ્યાસ પૂરો કર્યા પછી, સુશીલા ગાંધીજીના અંગત ડૉક્ટર બની ગયા. ભારત છોડો ચળવળ દરમિયાન ગાંધીજી સાથે સુશીલા કસ્તુરબાની મુંબઈમાં ધરપકડ કરવામાં આવી હતી.

5) આભા ગાંધી

મહાત્મા ગાંધીના પ્રપૌત્ર કનુ ગાંધીની પત્ની આભા ગાંધી બાપુની પ્રાર્થના સભાઓમાં અવારનવાર ભજન ગાતી હતી. તેઓ હંમેશા ગાંધીજી સાથે રહ્યા અને આંદોલનમાં તેમને સાથ આપ્યો. નથુરામ ગોડસેએ ગાંધીજીને ગોળી મારી ત્યારે પણ આભા ત્યાં હાજર હતી.