મોંઘવારી કંટ્રોલ ગુમાવશે! પેટ્રોલ અને ડીઝલના ભાવ હજુ પણ વધી શકે! રિપોર્ટમાં ગંભીર અનુમાન દર્શાવાયું

Petrol Diesel Crisis: પેટ્રોલ અને ડીઝલની કિંમતોમાં વધારાથી અર્થતંત્ર પર ફુગાવા જન્ય દબાણ વધવાની આશંકા છે, જેનાથી આવનારા મહિનાઓમાં પરિવહન અને ઉત્પાદન ખર્ચ વધી શકે છે અને સામાન્ય વપરાશની વસ્તુઓ મોંઘી થઈ શકે છે. રેટિંગ એજન્સી ક્રિસિલે મંગળવારે જાહેર કરેલા અહેવાલમાં આ અંદાજ વ્યક્ત કર્યો છે. સાથે જ આવનાર દિવસોમાં પેટ્રોલ ડીઝલના ભાવમાં હજુ પણ વધારો થઈ શકે તેવી શક્યતા વ્યક્ત કરવામાં આવી છે.

Read Also : Gujarat Census 2027: તમારા ઘરે આવશે જનગણના અધિકારી, પૂછશે આ 33 મહત્વના સવાલ

Read Also : Large, Mid vs Small Cap: કરોડપતિ બનવાનો રોડમેપ! જાણો લાંબાગાળે સંપત્તિ બનાવવા માટે કયા ફંડમાં રોકાણ કરવું સૌથી બેસ્ટ?

Read Also : Aishwarya Rai Parenting Tips : ઇન્ટરનેટ અને ફોન વિના ઐશ્વર્યા રાયે પુત્રી આરાધ્યાને આપ્યું અનોખું બાળપણ, દરેક માતા-પિતાએ જાણવા જેવી વાત

► હજુ પણ વધી શકે પેટ્રોલ ડીઝલના ભાવ

રિપોર્ટમાં દાવો કરવામાં આવ્યો છે કે 15 મે પછીથી પેટ્રોલ અને ડીઝલની કિંમતોમાં આશરે 7.5 રૂપિયા પ્રતિ લીટરનો વધારો થઈ ચૂક્યો છે અને જો ક્રૂડ ઓઈલના ભાવ ઊંચા સ્તરે જળવાઈ રહેશે, તો આ વધારો નજીકના ભવિષ્યમાં 10 રૂપિયા પ્રતિ લીટર સુધી પહોંચી શકે છે એટલે કે હજુ પણ ઈંધણમાં 3 રૂપિયા આસપાસના ભાવ વધે તેવું અનુમાન છે. ક્રિસિલે જણાવ્યું કે, જો આવું થાય તો તેની અસર સમગ્ર અર્થતંત્રમાં પરિવહન ખર્ચમાં વધારા દ્વારા જોવા મળશે, જેનાથી ખાદ્યપદાર્થો અને અન્ય વસ્તુઓ બંનેની મોંઘવારી વધશે.

► પરિવહન ખર્ચ અને મોંઘવારીનો સંબંધ

અહેવાલ મુજબ, ઈંધણની કિંમતોમાં વધારાની સીધી અસર મોંઘવારી પર પડશે. ઈંધણની કિંમતોમાં 7.5 રૂપિયા પ્રતિ લીટરના વધારાથી છૂટક મોંઘવારી આશરે 0.36 ટકા વધી શકે છે. જો ઈંધણની કિંમતો 10 રૂપિયા પ્રતિ લીટર સુધી વધી જાય છે, તો છૂટક મોંઘવારીમાં આશરે 0.48 ટકાનો વધારો થઈ શકે છે. રિપોર્ટમાં જણાવવામાં આવ્યું છે કે ઈંધણના ભાવ વધવાની સૌથી વધુ અસર માર્ગ પરિવહન પર પડશે કારણ કે તેના ખર્ચનો લગભગ 42 ટકા હિસ્સો ઈંધણ પર નિર્ભર છે. જેનાથી માલસામાનની હેરફેર મોંઘી થઈ જશે અને તેની અસર રોજિંદી વસ્તુઓની કિંમતો પર પડશે. દેશમાં આશરે 71 ટકા માલસામાનની હેરફેર માર્ગ પરિવહન દ્વારા જ થાય છે.

► વિવિધ ક્ષેત્રો પર આર્થિક બોજ

ક્રિસિલના જણાવ્યા અનુસાર, પરિવહન ખર્ચ વધવાથી દૂધ, ફળ, કઠોળ, ચા-કોફી, મસાલા અને માછલી જેવા ખાદ્ય ઉત્પાદનોની કિંમતોમાં વધારો આવી શકે છે કારણ કે આ મોટા પાયે પરિવહન નેટવર્ક પર નિર્ભર છે. રિપોર્ટ કહે છે કે કાપડ, કન્ઝ્યુમર ઈલેક્ટ્રોનિક્સ, લાકડાના ઉત્પાદનો, સિમેન્ટ અને સિરામિક્સ જેવા ક્ષેત્રોમાં પણ ખર્ચ વધશે. રસાયણ, કોલસો અને ધાતુ ક્ષેત્ર પણ મોંઘવારીની ઝપેટમાં આવશે. આવી સ્થિતિમાં કંપનીઓ ખર્ચનો બોજ ગ્રાહકો પર નાખી શકે છે અથવા ઉત્પાદનના જથ્થામાં કાપ મૂકી શકે છે. સપ્ટેમ્બર 2025માં GST દરોમાં કરવામાં આવેલા કાપથી થોડી રાહત મળી શકે છે, પરંતુ ઊંચા ઊર્જા ખર્ચની અસરને તે સંપૂર્ણપણે સંતુલિત કરી શકશે નહીં. રિપોર્ટ અનુસાર, ચાલુ નાણાકીય વર્ષના પ્રથમ બે મહિનામાં ક્રૂડ ઓઈલની સરેરાશ કિંમત 112 ડોલર પ્રતિ બેરલ રહી છે, જે સમગ્ર વર્ષના અંદાજિત 95 ડોલર પ્રતિ બેરલ કરતા વધારે છે.

► RBIની મોંઘવારી અને હવામાન પર નજર

જો કે, એકંદર મોંઘવારી હાલમાં ભારતીય રિઝર્વ બેંકના ચાર ટકાના લક્ષ્યાંકથી નીચે છે, પરંતુ આગળ જતાં તેમાં વધારો થવાનો અંદાજ છે. તેમ છતાં તે રિઝર્વ બેંકના બે થી છ ટકાના દાયરામાં રહી શકે છે. રિઝર્વ બેંક મોંઘવારીના વલણો, ખાસ કરીને સ્થાનિક અપેક્ષાઓ અને વ્યાપક ભાવ વધારાના જોખમ પર નજર રાખશે. આ સાથે જ રિઝર્વ બેંકની નજર નબળા ચોમાસા અને અલ નીનો જેવી હવામાન સંબંધી પરિસ્થિતિઓ પર પણ રહેશે, જેના કારણે ખાદ્ય મોંઘવારી વધવાની આશંકા છે.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - પેટ્રોલ ડીઝલ ભાવ વધારો, મોંઘવારી, ક્રિસિલ રિપોર્ટ, ઇંધણના ભાવ, પેટ્રોલ કિંમત, ડીઝલ કિંમત, ભારત અર્થતંત્ર, પરિવહન ખર્ચ, ઉત્પાદન ખર્ચ, ગુજરાતી સમાચાર - Petrol Diesel Price Hike, Fuel Price Increase, CRISIL Report, Inflation in India, Petrol Price News, Diesel Price News, Rising Fuel Costs, Transportation Costs, Production Costs, Economy News India