સરકારી કર્મચારીઓ અને પેન્શનરો માટે સારા સમાચાર, મોંઘવારી ભથ્થામાં ૨% વધારો

રાજ્યના સરકારી કર્મચારીઓ અને પેન્શનરો માટે રાહતના સમાચાર આવ્યા છે. રાજ્યના નાણા વિભાગ દ્વારા લેવાયેલા તાજેતરના ઠરાવ મુજબ, મોંઘવારી ભથ્થામાં ૨ ટકાનો વધારો જાહેર કરવામાં આવ્યો છે.

► મોંઘવારી ભથ્થું હાલના ૫૮ ટકાથી વધીને હવે ૬૦ ટકા

નવી જાહેરાત મુજબ, મોંઘવારી ભથ્થું હાલના ૫૮ ટકાથી વધીને હવે ૬૦ ટકા થશે. આ વધારો ૧ જાન્યુઆરી ૨૦૨૬થી લાગુ માનવામાં આવશે, જેના કારણે કર્મચારીઓ અને પેન્શનરોને આર્થિક રાહત મળશે. મહત્વની બાબત એ છે કે જાન્યુઆરીથી લાગુ થયેલા આ વધારાનો તફાવત (એરિયર) કર્મચારીઓ અને પેન્શનરોને જૂન માસના પગારમાં ચૂકવવામાં આવશે. આથી એકમૂષ્ટ રકમ મળવાથી કર્મચારીઓમાં ખુશીની લાગણી જોવા મળી રહી છે.

► મોંઘવારી વચ્ચે કર્મચારીઓ અને પેન્શનરોને સહાયરૂપ બનશે

રાજ્ય સરકારનો આ નિર્ણય વધતી મોંઘવારી વચ્ચે કર્મચારીઓ અને પેન્શનરોને સહાયરૂપ બનશે એવી આશા વ્યક્ત કરવામાં આવી રહી છે. નાણા વિભાગ દ્વારા બહાર પાડવામાં આવેલ ઠરાવ મુજબ, તમામ સંબંધિત વિભાગોને આ અમલ માટે સૂચનાઓ આપવામાં આવી છે. આ જાહેરાતને પગલે રાજ્યભરના લાખો કર્મચારીઓ અને પેન્શનરોને સીધો લાભ મળશે.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel , રાજ્યના કર્મચારી અને પેન્શરના મોંઘવારી ભથ્થું હાલના ૫૮ ટકાથી વધીને હવે ૬૦ ટકા - 2 Percantage Increase In Dearness Allowance For Government Employees And Pensioners