Home
ગુજરાત
તડકાથી લોકો ત્રાહીમામ ! રાજ્યમાં 7 દિવસ માટે યલો એલર્ટ જાહેર, કામ વગર ઘરની બહાર નીકળવાનું ટાળજો

તડકાથી લોકો ત્રાહીમામ ! રાજ્યમાં 7 દિવસ માટે યલો એલર્ટ જાહેર, કામ વગર ઘરની બહાર નીકળવાનું ટાળજો

08:56 PM April 23, 2026 Gujju News Channel

Gujarat Weather : કાળઝાળ ગરમીથી રાજ્યના અનેક શહેરોમાં હિટ વેવ જેવી સ્થિતિ જોવા મળી રહી છે.

Hot Weather In Gujarat : ગુજરાતમાં ગરમીનો પારો સતત ઉચકાઇ રહ્યો છે જેને લઇ લોકો ત્રાહીમામ પોકારી ગયા છે. શહેરોનું તાપમાન 40 ડિગ્રીને પાર પહોચી ગયું છે. 7 દિવસ માટે યલો એલર્ટ જાહેર કરાયું છે. રાજકોટમાં સૌથી વધુ 43 ડિગ્રી તાપમાન નોધાયુ છે. હવામાન વિભાગ પ્રમાણે તાપમાનમાં આગામી દિવસોમાં ધીમે ધીમે બેથી ત્રણ ડિગ્રીનો વધારો નોંધાઈ શકે છે.

► રાજ્યમાં આગ ઓકતી ગરમીથી ત્રાહીમામ

રાજ્યમાં આગ ઓકતી ગરમીથી લોકો ત્રાહીમામ પોકારી રહ્યા છે. હવામાન વિભાગ દ્વારા ગુજરાતમાં 7 દિવસ ગરમીનું યલો એલર્ટ જાહેર કરાયુ છે. તાપમાન 43 ડિગ્રીને પાર થવાની સંભાવના છે. અમદાવાદ-ગાંધીનગર સહિત 6 શહેરમાં તાપમાન 40°Cને પાર થયુ છે. બુધવારે અમદાવાદમાં 40.8, અમરેલીમાં 40.7, સુરેન્દ્રનગરમાં 40.5, ગાંધીનગરમાં 40.2 ડિગ્રી, સુરતમાં 39.8, વડોદરામાં 39.4 ડિગ્રી તાપમાન નોંધાયું છે. આવતીકાલથી તાપમાનમાં 2 થી 3 ડિગ્રી તાપમાન વધશે, કાળઝાળ ગરમીથી રાજ્યના અનેક શહેરોમાં હિટ વેવ જેવી સ્થિતિ જોવા મળી રહી છે. કાળઝાળ ગરમીથી રાજ્યના નાગરિકો ત્રાહિમામ પોકારી ગયા છે.

► સાત દિવસ માટે યલો એલર્ટ જાહેર

હવામાન વિભાગ અમદાવાદના જણાવ્યા પ્રમાણે અમદાવાદ શહેર માટે સાત દિવસ માટે યલો એલર્ટ જાહેર કરવામાં આવ્યું છે. આ દિવસોમાં અમદાવાદનું તાપમાન 43 ડિગ્રી સુધી જવાની શક્યતા છે. 26મી તારીખે 43 ડિગ્રી સુધી મહત્તમ તાપમાન રહેવાની આગાહી છે.