Home
બિઝનેસ
Rupee Record Low : રૂપિયામાં ઐતિહાસિક કડાકો, 1 ડોલરનો ભાવ ₹ 95 બોલાયો, જાણો કારણ અને અસર

Rupee Record Low : રૂપિયામાં ઐતિહાસિક કડાકો, 1 ડોલરનો ભાવ ₹ 95 બોલાયો, જાણો કારણ અને અસર

09:56 PM March 30, 2026 Gujju News Channel

Rupee All Time Low Against Dollar: ડોલર સામે રૂપિયો ઇતિહાસમાં પહેલીવાર 95 નીચે બોલાયો છે. આ સાથે માર્ચ મહિનામાં ડોલર સામે રૂપિયો 4 ટકા તૂટ્યો છે, તો વર્ષ 2026માં અત્યાર સુધી 10 ટકા મૂલ્ય ઘટ્યું છે. જાણો રૂપિયામાં ઘટાડાના કારણ અને અસર

Dollar VS Rupee Record Low, Reason And Impact : શેરબજારમાં કડાકા સાથે ડોલર સામે રૂપિયામાં ઐતિહાસિક ઘટાડો નોંધાયો અને ઇતિહાસમાં પહેલીવાર 95 સપાટી નીચે બંધ થયો છે. આજે ડોલર સામે રૂપિયો ઓલટાઇમ લો 95.14 બંધ થયો છે. આ સાથે રૂપિયો એશિયાનો સૌથી ખરાબ દેખાવ કરનાર ચલણ બની ગયું છે. રૂપિયાના મૂલ્યમાં ધોવાથી ભારત માટે મોટી મુશ્કેલી સર્જાઇ છે.

► ડોલર સામે રૂપિયા પહેલીવાર 95 નીચે બંધ

આજેઇન્ટરબેંક ફોરેન એક્સચેન્જ પર ડોલર સામે રૂપિયો મોટા ઉછાળે ખુલ્યો હતો. આજે ડોલર સામે રૂપિયો 123 પૈસા વધીને 93.62 ખુલ્યો હતો. ટકાવારીની રીત રૂપિયો 1.3 ટકા મજબૂત થયો છે. જ્યારે ગત શુક્રવારે ડોલર સામે રૂપિયો 94.81 ઐતિહાસિક નીચી સપાટીએ બંધ થયો હતો. આજે સેશનની શરૂઆતમાં રૂપિયો વધીને 93.57 સુધી મજબૂત થયો હતો. જો કે શેરબજાર કડાકો અને વિદેશી રોકાણકારોની વેચવાલીના દબાણથી રૂપિયામાં આરંભિક ઉછાળો ધોવાઇ ગયો અને ભારતીય ચલણમાં ઐતિહાસિક ઘટાડો આવ્યો. આજે ડોલર સામે રૂપિયો 88 પૈસા ઘટીને ઇતિહાસમાં પહેલીવાર 95 નીચે ગયો. ટ્રેડિંગ સેશન દરમિયાન રૂપિયો 95.58 સુધી બોલાયો હતો, જે ઐતિહાસિક નીચો ભાવ છે. દિવસના કામકાજના અંતે ડોલર સામે રુપિયો 94.78 બંધ થયો હતો. માર્ચ મહિનામાં ડોલર સામે રૂપિયો 4 ટકા તૂટ્યો છે, તો વર્ષ 2026માં અત્યાર સુધી 10 ટકા મૂલ્ય ઘટ્યું છે.

► રૂપિયામાં ધોવાણ રોકવા RBI ના નિયમ બેઅસર રહ્યા

ડોલર સામે રૂપિયો ઘટતો રોકવા RBIએ નવા નિયમ લાગુ કર્યા હતા, જો કે કમનસીબે આ નિયમ પણ બેઅસર સાબિત થયા છે. RBI એ નિર્દેશ આપ્યો છે કે, બેંક ખાતરી કરે કે, દરેક કામકાજના દિવસના અંતે ઓનશોર ડિલિવરેબલ માર્કેટમાં તેમની નેટ ઓપન રૂપિયાની પોઝિશન 100 મિલિયન ડોલરથી વધુ ન હોય.