Home
દેશ-વિદેશ
Trump New Immigration Policy: ડોનાલ્ડ ટ્રમ્પના નવા આદેશની અસર! અમેરિકા એરપોર્ટ પરથી ભારતીયોને પરત મોકલ્યા...

Trump New Immigration Policy: ડોનાલ્ડ ટ્રમ્પના નવા આદેશની અસર! અમેરિકા એરપોર્ટ પરથી ભારતીયોને પરત મોકલ્યા...

09:05 PM January 27, 2025 Gujju News Channel

Trump New Immigration Policy Detail: ડોનાલ્ડ ટ્રમ્પ અમેરિકાના રાષ્ટપતિ બનતા જ કડક વલણ અપનાવી રહ્યા છે. તાજેતરમાં એક કપલ વિઝિટર વિઝા પર પોતાના બાળકોને મળવા માટે અમેરિકા આવ્યા હતા, પરંતુ એરપોર્ટથી જ તેમને પરત મોકલી લેવામાં આવ્યા.

Trump New Immigration Policy Detail : અમેરિકાના નવા રાષ્ટ્રપતિ તરીકે ડોનાલ્ડ ટ્રમ્પે ચાર્જ સંભાળ્યા બાદ તરત જ એક્શન મોડમાં આવી ગયા છે. ડોનાલ્ડ ટ્રમ્પ તરફથી ઘણા આકરા નિર્ણયો લેવાયા છે. એક તરફ તેમણે મેક્સિકન બોર્ડર પર ઇમરજન્સી જાહેર કરી છે તો બીજી તરફ તેમણે ભારતના પાડોશી દેશ બાંગ્લાદેશને અપાતી મદદ પણ બંધ કરી દીધી છે. ડોનાલ્ડ ટ્રમ્પના આ નિર્ણયોની અસર હવે ભારત પર પણ પડવા લાગી છે. અમેરિકામાં રહેતા ભારતીયો સામે પણ અનેક પડકારો ઊભા થયા છે. ત્યારે આવો જોઈએ ડોનાલ્ડ ટ્રમ્પની નવી ઈમિગ્રેશન પોલીસી વિશે...

► ડોનાલ્ડ ટ્રમ્પે નવા આદેશમાં શું કહ્યું?

હકીકતમાં એક દંપતી બી1/1. બી2 વિઝિટર વિઝા પર પોતાના બાળકોને મળવા માટે અમેરિકા આવ્યો હતો, પરંતુ એરપોર્ટથી જ તેને પરત મોકલી દેવામાં આવ્યા હતા. અમેરિકાના અધિકારીઓએ દલીલ કરી હતી કે અમેરિકાના 2025ના ઈમિગ્રેશનના નિયમોમાં સ્પષ્ટ કહેવામાં આવ્યું છે કે, જો કોઈ મુલાકાતી વિઝા પર તેમના દેશમાં આવે છે, તો તેમણે એરપોર્ટ પર રિટર્ન ટિકિટ પણ બતાવવી પડશે અને માનવામાં આવી રહ્યું છે કે આ કપલને રિટર્ન ટિકિટ મળી નથી અને આ કારણે તેમને કડકાઈ બતાવીને ભારત પરત મોકલવામાં આવ્યા હતા.

► ટ્રમ્પના નવા આદેશ પર ભારત સરકારે શું કહ્યું?

સમજવા જેવી વાત એ છે કે અમેરિકામાં આટલો મોટો નિર્ણય લેવાયો છે, પરંતુ ભારતીયોમાં હજુ પણ જાગૃતિનો અભાવ જોવા મળી રહ્યો છે. રિટર્ન ટિકિટના નિર્ણય વિશેની માહિતી બધા સુધી પહોંચી નથી અને તેથી જ મૂંઝવણ છે. આમ જોવા જઈએ તો ભારત સરકાર પણ સમજી ગઈ છે કે અમેરિકામાં ઈમિગ્રેશનના નિયમો બદલાતા રહેશે, એટલા માટે જ પ્રવાસીઓને પણ સરકાર તરફથી સલાહ આપવામાં આવી છે કે તેઓ નવા ઈમિગ્રેશન નિયમો વિશે સરકારી વેબસાઈટ પરથી તમામ માહિતી મેળવતા રહે અને ટ્રાવેલ એજન્ટ સાથે પણ સતત સંપર્કમાં રહે.

► ટ્રમ્પ કેવી રીતે વધારી રહ્યા છે ભારતનું ટેન્શન?

ડોનાલ્ડ ટ્રમ્પ માત્ર અહીં અટક્યા નથી, થોડા દિવસ પહેલા તેમણે એક મોટી જાહેરાત કરી હતી અને કહ્યું હતું કે, જન્મ થી મળતી નાગરિકતા ખતમ થઈ જશે. આ નિર્ણયથી ભારતીયોની ચિંતા ઘણી વધી ગઈ છે. આ ઉપરાંત ટ્રમ્પે એચઆઇ બી વિઝા અંગે પણ કહ્યું છે કે અમેરિકામાં માત્ર કુશળ લોકોને જ તક આપવી જોઇએ, જેના કારણે એવું પણ માનવામાં આવી રહ્યું છે કે આવનારા સમયમાં ભારતીયોને મુશ્કેલીઓનો સામનો કરવો પડી શકે છે. હવે એક તરફ ટ્રમ્પ ભારત માટે મુશ્કેલી ઊભી કરી રહ્યા છે, તો બીજી તરફ તેમના ઘણા નિર્ણયો પણ આખી દુનિયામાં ગભરાટ પેદા કરી રહ્યા છે.