Home
ગુજરાત
ખેડૂતો માટે માંઠા સમાચાર: ફેબ્રુઆરીના પ્રથમ સપ્તાહમાં જ ગુજરાતમાં ત્રાટકી શકે છે માવઠું, જાણો કંઈ તારીખે છે વરસાદ અને ઠંડીની આગાહી...

ખેડૂતો માટે માંઠા સમાચાર: ફેબ્રુઆરીના પ્રથમ સપ્તાહમાં જ ગુજરાતમાં ત્રાટકી શકે છે માવઠું, જાણો કંઈ તારીખે છે વરસાદ અને ઠંડીની આગાહી...

08:51 PM January 27, 2025 Gujju News Channel

રાજ્યમાં અત્યારે ઠંડીના પ્રમાણમાં થોડો ઘટાડો જોવા મળ્યો છે. પરંતુ હવામાન નિષ્ણાંત પરેશ ગોસ્વામીએ ફેબ્રુઆરી માસની શરૂઆતમાં જ માવઠું પડે તેવી આગાહી કરી છે.

Gujarat Rain And Cold Forecast : ગુજરાતમાં હાલ વાતાવરણમાં થોડા થોડા દિવસે બદલાવ જોવા મળી રહ્યો છે. થોડા દિવસ ગુજરાતમાં તાપમાનમાં ઘટાડો તો થોડા દિવસ તાપમાનમાં વધારો જોવા મળી રહ્યો છે. ત્યારે આ દરમિયાન હવામાન નિષ્ણાત પરેશ ગૌસ્વામી દ્વારા હવામાનની આગાહી કરવામાં આવી હતી. જેમાં તેઓએ આગામી દિવસના હવામાનને લઇને આગાહી કરી હતી. ગુજરાતમાં ફેબ્રુઆરી મહિનાના પહેલા સપ્તાહમાં એક કે બે દિવસ નહીં પરંતુ ત્રણ દિવસ કમોસમી વરસાદ થશે તેવી આગાહી આપવામાં આવી છે.

► ક્યારે માવઠાની શક્યતા છે?

આ આગાહીમાં તેઓએ જણાવ્યું હતું કે આગામી મહિનામાં ફેબ્રુઆરીના પ્રથમ અઠવાડિયામાં રાજ્યના અનેક વિસ્તારોમાં માવઠાની શક્યતા રહેલી છે. જેમાં વેસ્ટન ડીસ્ટર્બન્સને કારણે ગુજરાત ઉપર એક અસ્થિરતા સર્જાશે, એ અસ્થિરતાના કારણે રાજ્યના અનેક વિસ્તારોમાં ૩ થી ૫ ફેબ્રુઆરી દરમિયાન માવઠાની સંભાવના છે. ત્યારે આ આગાહીને લઇ ધરતીપુત્રો પરેશાનીમાં મુકાશે.

► આગામી દિવસોમાં હવામાન કેવું રહેશે?

આગામી સાત દિવસમાં ગુજરાતનું હવામાન સૂકું રહેવાની સંભાવનાઓ છે. આગામી ચારથી પાંચ દિવસ દરમિયાન લઘુત્તમ તાપમાનમાં બેથી ત્રણ ડિગ્રી વધવાની આગાહી છે. આ સાથે હવામાન વિભાગ દ્વારા માવઠા કે વરસાદની કોઈ સંભાવનાઓ વ્યક્ત કરી નથી. હવામાન ડ્રાય રહેવાની આગાહી છે.