Gujarat Rain: દ્વારકાના કલ્યાણપુરમાં ભારે પવન સાથે પોણા 3 ઈંચ ધોધમાર વરસાદ, રસ્તા પર પાણી ફરી વળ્યા; આગામી 3 કલાક ભારે

Gujarat Rain Data : વેસ્ટર્ન ડિસ્ટર્બન્સની અસરના પગલે છેલ્લા એક સપ્તાહથી ગુજરાતના હવામાનમાં નાટ્યાત્મક પલટો જોવા મળી રહ્યો છે. જેમાં રાજ્યના અલગ-અલગ ભાગોમાં ભરઉનાળે વરસાદી માહોલ જામી રહ્યો છે. જો કે બે દિવસ સુધી માવઠાએ વિરામ લીધા બાદ ફરીથી નવો રાઉન્ડ શરૂ થયો હોય, તેમ ગઈકાલે સાંજથી જ ઉત્તર ગુજરાત અને સૌરાષ્ટ્રના ભાગોમાં બપોર બાદ વરસાદ તૂટી પડે છે. જો આજની વાત કરીએ તો, આજે વહેલી સવારથી જ સૌરાષ્ટ્ર અને ઉત્તર ગુજરાતમાં વાદળછાયું વાતાવરણ છવાયેલું રહ્યું હતુ. જો કે બપોરે 12 વાગ્યા પછી ઠંડા પવન ફૂંકાવા સાથે ઝરમર વરસાદ શરૂ થયો હતો. જ્યારે 2 વાગ્યા બાદ વરસાદે જોર પકડ્યું હતું

► જાણો આજે ક્યા અને કેટલો વરસાદ પડ્યો ?

આજે વહેલી સવારે 6 થી સાંજના 6 વાગ્યા સુધીના 12 કલાક દરમિયાન રાજ્યના 19 તાલુકામાં નોંધપાત્ર વરસાદ ખાબક્યો છે. જે પૈકી દેવભૂમિ દ્વારકા જિલ્લાના કલ્યાણપુર તાલુકામાં સૌથી વધુ 72 મિ.મી (2.8 ઈંચ) વરસાદ વરસ્યો છે. કલ્યાણપુરમાં પોણા 3 ઈંચ વરસાદથી રસ્તા પર પાણી ફરી વળ્યા હતા. ખેતરો પણ બેટમાં ફેરવાતા ઉભો પાક પલળી ગયો છે અને ખેડૂતોને ભારે નુકસાનની ભીતિ સેવાઈ રહી છે. જ્યારે જૂનાગઢના માળિયા હાટીનામાં 45 મિ.મી (1.7 ઈંચ), જામનગરના જામજોધપુરમાં 40 મિ.મી (1.5 ઈંચ), જૂનાગઢના માણાવદર અને અમરેલીના ધારીમાં 35 મિ.મી (1.3 ઈંચ) અને જામનગરના લાલપુર તાલુકામાં 26 મિ.મી (1 ઈંચ) વરસાદ નોંધાયો છે.

► આગામી 3 કલાક ભારે

હવામાન વિભાગ દ્વારા ગુજરાતના કચ્છ, પાટણ, જામનગર, રાજકોટ, અમરેલી, ભાવનગર, ગીર સોમનાથ, ડાંગ, મોરબી, બનાસકાંઠા, સાબરકાંઠા, મહેસાણા, સુરેન્દ્રનગર, બોટાદ, અમદાવાદ, દેવભૂમિ દ્વારકા, પોરબંદર, જૂનાગઢ, નવસારી, વલસાડ, ગાંધીનગર, અરવલ્લી, છોટા ઉદેપુર, તાપી અને નર્મદા જિલ્લામાં હળવાથી મધ્યમ વરસાદની આગાહી કરવામાં આવી છે.

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel - Cyber Crime News In Gujarati - ગુજરાતી સમાચાર - Gujarat Rain Data