Rohit Sharma At Maldives With Family : રોહિત શર્માએ IPL પહેલા પરિવાર સાથે માલદીવમાં મજા માણી, શેર કરી સુંદર તસવીરો

Rohit Sharma At Maldives With Family Before IPL 2025 : ભારતને ચેમ્પિયન્સ ટ્રોફી 2025 નો ખિતાબ અપાવ્યા બાદ, કેપ્ટન રોહિત શર્મા પોતાના પરિવાર સાથે રજાઓ મનાવવા માલદીવ પહોંચી ગયો છે. હિટમેને સોશિયલ મીડિયા દ્વારા આ માહિતી આપી. તેને પરિવાર સાથેના ફોટા શેર કર્યા. આમાં રોહિત તેની પત્ની રિતિકા સજદેહ, પુત્રી સમાયરા અને પુત્ર અહાન સાથે મસ્તી કરતો જોવા મળે છે.

► IPLની 18મી સીઝનમાં રમતા જોવા મળશે

આ અનુભવી જમણા હાથનો બેટ્સમેન ખૂબ જ ટૂંક સમયમાં IPL 2025 માં રમતા જોવા મળશે. આ ટુર્નામેન્ટ 22 માર્ચથી શરૂ થશે, જેમાં મુંબઈ ઇન્ડિયન્સ 23 માર્ચે ચેન્નાઈ સુપર કિંગ્સ સામે પોતાના અભિયાનની શરૂઆત કરશે. આ પહેલા, હિટમેન ટીમમાં જોડાય તેવી શક્યતા છે. હાલમાં તે પોતાના પરિવાર સાથે માલદીવમાં રજાઓ માણી રહ્યો છે.

► ફાઇનલમાં ન્યુઝીલેન્ડને હરાવી ચેમ્પિયન બનાવ્યા

દુબઈમાં રમાયેલી ફાઇનલ મેચમાં ભારતે ન્યુઝીલેન્ડને ચાર વિકેટથી હરાવ્યું. રોહિત શર્માના નેતૃત્વમાં ટીમ ઈન્ડિયાએ 12 વર્ષ પછી ચેમ્પિયન્સ ટ્રોફીનો ખિતાબ જીત્યો. ન્યૂઝીલેન્ડે ભારતને જીતવા માટે 252 રનનો લક્ષ્યાંક આપ્યો હતો, જે ભારતે એક ઓવર બાકી રહેતાં હાંસલ કરી લીધો હતો. ટોસ જીતીને પ્રથમ બેટિંગ કરતા ન્યુઝીલેન્ડે 50 ઓવરમાં સાત વિકેટ ગુમાવીને 251 રન બનાવ્યા. જવાબમાં, ભારતે 49 ઓવરમાં છ વિકેટ ગુમાવીને લક્ષ્ય હાંસલ કર્યું. રોહિતે કેપ્ટનશીપની ઇનિંગ્સ રમી. તેણે 76 રન બનાવીને ભારતને મુશ્કેલીમાંથી બહાર કાઢ્યું. આ ભારતની સાતમી ICC ટ્રોફી છે. આ પહેલા, ટીમે 1983 અને 2011 ODI વર્લ્ડ કપ, 2007 અને 2024 T20 વર્લ્ડ કપ અને 2002, 2013 અને 2025 ચેમ્પિયન્સ ટ્રોફીનો ખિતાબ જીત્યો છે. સમગ્ર ટુર્નામેન્ટ દરમિયાન ભારત અપરાજિત રહ્યું. તેણે સતત પાંચ મેચ જીતી.