બાંગ્લાદેશમાં રાજકીય ઉથલપાથલ હોવાથી ICC મહિલા ટી-20 વર્લ્ડ કપ દુબઈમાં રમાશે, 3થી 20 ઓક્ટોબરમાં જુઓ ભારતની મેચ ક્યારે?

બાંગ્લાદેશમાં ચાલી રહેલી રાજકીય અસ્થિરતા અને હિંસાની અસર આખરે ક્રિકેટ પર પણ પડી છે અને હવે આ દેશ પાસેથી ICCની એક મોટી ઈવેન્ટ છીનવાઈ ગઈ છે. બાંગ્લાદેશમાં રાજકીય ઉથલપાથલ વચ્ચે ICCએ હવે મોટો નિર્ણય લીધો છે. ICCએ મહિલા T20 વર્લ્ડ કપ 2024નું સ્થળ બદલ્યું છે. હવે આ ટુર્નામેન્ટ બાંગ્લાદેશને બદલે સંયુક્ત આરબ અમીરાતમાં રમાશે. 3 થી 20 ઓક્ટોબર દરમિયાન યોજાનારી આ ઈવેન્ટ હવે દુબઈ અને શારજાહમાં યોજાશે. 

► બાંગ્લાદેશમાં  T20 વર્લ્ડ કપ નહીં યોજાય

ICCએ કહ્યું, 'ટૂર્નામેન્ટની નવમી આવૃત્તિ હવે સંયુક્ત આરબ અમીરાત (UAE)માં થશે અને બાંગ્લાદેશ ક્રિકેટ બોર્ડ (BCB) આ ઇવેન્ટનું આયોજન કરવાનું ચાલુ રાખશે. ટૂર્નામેન્ટ 3 થી 20 ઓક્ટોબર દરમિયાન UAEના બે સ્થળો - દુબઈ અને શારજાહમાં યોજાશે. ICCના ચીફ એક્ઝિક્યુટિવ જ્યોફ એલાર્ડિસે એક નિવેદનમાં જણાવ્યું હતું કે, બાંગ્લાદેશમાં મહિલા T20 વર્લ્ડ કપનું આયોજન ન કરવું એ શરમજનક છે કારણ કે આપણે જાણીએ છીએ કે બાંગ્લાદેશ ક્રિકેટ બોર્ડ (BCB) એક યાદગાર ઇવેન્ટ આપી હોત.

► બાંગ્લાદેશમાં હિંસા ભડકી રહી છે

આ વર્લ્ડ કપમાં ભારત સહિત કુલ 10 ટીમો ભાગ લેશે અને દરેક તેની આતુરતાથી રાહ જોઈ રહ્યા છે. ત્યારપછી જુલાઈ મહિનામાં અચાનક જ બાંગ્લાદેશમાં અનામત અંગેના સરકારના નિર્ણય સામે વિદ્યાર્થીઓનું આંદોલન શરૂ થયું, જે ધીરે ધીરે હિંસક પ્રદર્શનમાં ફેરવાઈ ગયું અને પછી બાંગ્લાદેશની સેનાએ વડાપ્રધાન હસીનાને રાજીનામું આપવાનું અલ્ટીમેટમ આપ્યું. હસીનાએ તેમના પદ સાથે દેશ છોડી દીધો અને ત્યારથી સમગ્ર બાંગ્લાદેશમાં હિંસા ભડકી રહી છે, જ્યાં હિન્દુઓ સહિત લઘુમતીઓને નિશાન બનાવવામાં આવી રહ્યા છે.

► બાંગ્લાદેશી બોર્ડ સત્તાવાર યજમાન રહેશે

ક્રિકબઝના અહેવાલ મુજબ, મંગળવાર, 20 ઓગસ્ટના રોજ ICCની વર્ચ્યુઅલ બોર્ડની બેઠકમાં આ વિષય પર ચર્ચા કરવામાં આવી હતી અને બધાએ તેના પર ચિંતા વ્યક્ત કરી હતી અને કહ્યું હતું કે વર્તમાન પરિસ્થિતિમાં બાંગ્લાદેશમાં વર્લ્ડ કપનું આયોજન કરવું યોગ્ય નથી. ટૂર્નામેન્ટના યજમાન બાંગ્લાદેશ ક્રિકેટ બોર્ડે પણ સ્થળ બદલવા માટે સંમતિ દર્શાવી હતી અને હવે યુએઈમાં તેનું આયોજન થશે. જો કે, સ્થળ બદલવા છતાં બાંગ્લાદેશી બોર્ડ તેનું સત્તાવાર યજમાન રહેશે તે સ્પષ્ટ છે.

► એલિસા હીલીએ સવાલ ઉઠાવ્યા

તાજેતરમાં, ડિફેન્ડિંગ ચેમ્પિયન ઓસ્ટ્રેલિયાની કેપ્ટન અને અનુભવી બેટ્સમેન એલિસા હીલીએ પણ બાંગ્લાદેશમાં ટૂર્નામેન્ટના આયોજનની ટીકા કરી હતી. હીલીએ કહ્યું હતું કે આવા સંજોગોમાં ટૂર્નામેન્ટનો બોજ બાંગ્લાદેશ પર નાખવો યોગ્ય નથી અને આવા સમયે સ્થાનિક લોકો પાસેથી ત્યાંના સંસાધનો છીનવી લેવાનું ખોટું છે. તેણે એમ પણ કહ્યું કે વર્તમાન સંજોગોમાં બાંગ્લાદેશ સામે ક્રિકેટ કરતાં પણ વધુ મહત્ત્વના પડકારો છે.

જ્યોફ એલાર્ડિસે જણાવ્યું કે, હું બાંગ્લાદેશ ક્રિકેટ બોર્ડની ટીમનો આભાર માનું છું કે તેણે બાંગ્લાદેશમાં આ ઈવેન્ટનું આયોજન કરવા માટે તમામ માર્ગો શોધી કાઢ્યા. જો કે, તેઓ હોસ્ટિંગ અધિકારો જાળવી રાખશે. ICCની વૈશ્વિક ઇવેન્ટને બાંગ્લાદેશમાં લઈ જવા માટે આતુર છીએ."

► ભારતીય મહિલા ક્રિકેટ ટીમનું શિડ્યૂલ

• ભારત vs ન્યુઝીલેન્ડ: 5 ઓક્ટોબર

• ભારત vs પાકિસ્તાન: 7 ઓક્ટોબર

• ભારત vs શ્રીલંકા: 10 ઓક્ટોબર

• ભારત vs ઓસ્ટ્રેલિયા: 14 ઓક્ટોબર

Home Page- gujju news channel - Latest Gujarati News, તાજા ગુજરાતી સમાચાર, Latest Gujarati News LIVE, Online Gujarati News, Gujarati news headlines today, Gujarati News Channel , ICC has handed over hosting of Womens T20 World Cup from Bangladesh to UAE , Women's T20 World Cup 2024 , Women's T20 World Cup 2024 schedule , Women's T20 World Cup winners list , Women's T20 World Cup schedule , Women's T20 World Cup 2024 schedule India , ICC Women's T20 World Cup 2024 schedule venue , ICC Women's World Cup , ICC Women's T20 World Cup matches